Me har ledig vikariat i 100% stilling for sjukepleiar eller helsesekretær ved Leikanger legekontor frå 17.08.2026 til 28.02.2027, deretter 50% frå 01.03.2027 til 01.05.2027.

Leikanger legekontor har 4 legar og 2,5 årsverk hjelpepersonell. Kontoret har eige laboratorium og er samlokalisert med mellom anna sjukeheim, helsestasjon, fysioterapi og psykiatriteneste.

Arbeidsoppgåver:
Allsidige oppgåver for sjukepleiar eller helsesekretær. Aktuelle oppgåver er telefontriagering, resepsjonsarbeid og administrative oppgåver samt mellom anna sårskift, spirometri, EKG, enkle pasientkontrollar og laboratoriearbeid.
 

Krav til kompetanse:
Sjukepleiar eller helsesekretær/helsefagarbeidar. 

Krav til søkjar:

• Gode evner til både sjølvstendig arbeid og lagarbeid
• Godt humør og evne til å møte pasientar og kollegaer på ein god måte
• Fleksibilitet, evne til å handtere fleire problemstillingar på ein gong, tåle avbrytingar og samstundes klare å jobbe systematisk og ryddig
• Flytande norskkunnskapar skriftleg og munnleg

Relevant arbeidserfaring og personlege eigenskapar blir tungt vektlagde. 

Spesielle vilkår for stillinga:
Det som vert tilsett må leggje fram:

• Tuberkulose/MRSA-skjema, eventuelt tuberkulinattest av ny dato.
• Politiattest av ny dato.

Me tilbyr

• Variert arbeid i positive miljø
• Faglege utfordringar og utvikling som fagperson
• Tilsetjing etter kommunalt avtaleverk
• Gode pensjons- og forsikringsordningar 

Me er ein kompetansearbeidsplass med høg fagleg og etisk standard, godt arbeidsmiljø og varierte arbeidsoppgåver, og sjølvsagt løn etter tariff. 

Kommunen har gode pensjons- og forsikringsordningar, i tillegg til gode helse- og trivselsfremjande tiltak for sine tilsette. 

Mangfald og tilrettelegging
Me ønskjer eit arbeidsmiljø prega av mangfald, og oppmodar alle kvalifiserte kandidatar til å søkje uavhengig av alder, kjønn, funksjonsevne, etnisk bakgrunn eller hol i CV-en.
Dersom du har behov for tilrettelegging i søknadsprosessen eller i arbeidssituasjonen, legg me til rette for det.

Offentleg søkjarliste
I følgje offentleglova § 25, 2. ledd kan opplysningar om søkjaren bli offentleggjorde, sjølv om du har oppmoda om ikkje å bli ført opp på offentleg søkjarliste.

Dersom du har bede om unntak frå offentleg søkjarliste, vil du alltid bli varsla før søkjarlista vert offentleggjord. 

Merk at alle søkjarar for denne stillinga må fylle inn telefonnummer i skjemaet for kontaktopplysningar i vårt rekrutteringssystem Easycruit.