Einingsleiar ved Heimetenesta

Ei utfordrande og viktig leiarstilling, for deg som vil vere med å utvikle helse og omsorgstenestene.

Er du opptatt av å gje gode opplevingar og meiningsfulle dagar, i ein trygg relasjon til engasjerte medarbeidarar?

Vi søkjer deg som vil vere lagleiar og guide i arbeidet vårt med å utvikle helse- og omsorgstenestene våre.

Heimetenesta

Heimetenesta er ein del av Surnadal helsehus som består av heimetenester. omsorgsbustader, dagsenter og sjukeheim, samla innan området pleie og omsorg og som ligg sentralt plassert i kommunen. Surnadal kommune er godt i gang med planlegging av framtidas helsehus, der organisering og omfang av framtidige tenester i gode og funksjonelle bygg er tema. Dette arbeidet kan føre til endring av oppgåver og ansvarsområde mellom tenestene og endring i leiarstruktur. Utvikling av Surnadal helsehus er eit felles satsingsområde innan helse og omsorg der einingsleiarane får ein sentral rolle.

Heimetenesta gir i dag tenester innafor heimesjukepleie, heimehjelp/praktisk bistand, rehabilitering i heimen, personleg assistent, dagtilbod for eldre og for demente, tryggleiksalarmar og andre velferdsteknologiske løysingar. Vidare saksbehandlar eininga søknader om BPA (brukarstyrt personleg assistent), omsorgsstønad og matombringing.

Kommuneplanen sin samfunnsdel og Helse- og omsorgsplanen gir føringar for tiltaka som ligg til eininga, i tillegg til lover og forskrifter og føringar frå sentralt hald.

Internasjonale og nasjonale trender går i retning av at stadig fleire helsetenester skal utførast i pasienten sin heim, eller nærast mogleg heimen. Det er også eit overordna nasjonalt helsemål at folk skal få bu heime så lenge dei ønskjer det, trass sviktande helse.

I Surnadal kommune har heimetenestene vore langt framme i dette arbeidet gjennom metoden HPH (Heilheiltleg Pasientforløp i Hjemmet), der vi arbeider med pasienten si eigenmestring.

Vi har kontinuerleg utvikling og forbedring av pasientforløpet i tråd med nye forskrifter.

Kvalifikasjonar:

• Relevant høgare utdanning frå høgskule og/eller universitet, gjerne med helse- og/eller sosialfagleg bakgrunn
• Relevant leiarerfaring og gjerne vidareutdanning innan leiing
• God kjennskap til helse og omsorgssektoren og offentleg forvaltning
• God økonomiforståing
• Kunnskap om og ferdigheiter i bruken av digitale verktøy

Kommunen ønskjer ein einingsleiar som:

• Kan og vil leie og har faglege og administrative leiareigenskapar
• Kan setje klare mål for verksemda og bruke dei samla ressursane effektivt
• Har vilje og evne til samarbeid, kan rettleie og inspirere til utviklingsarbeid
• Er strukturert og ryddig
• Har interesse for korleis teknologi kan brukast til å forbetre arbeidsprosessar og system
• Kan tenkje nytt kring rekruttering som kan bidra til å dekkje kompetansebehovet i eininga
• Er lojal til kommunen sine mål

Vi tilbyr:

• Godt arbeidsmiljø med vekt på fagutvikling og tverrfagleg samarbeid
• Mulighet for leiarutdanning og vidareutvikling
• Lønn etter avtale
• Gode pensjons- og forsikringsordningar

Tilfredsstillande politiattest skal leggast fram før oppstart i stilling.

 

Surnadal kommune har nynorsk som administrasjonmål.

Nærare opplysningar om stillinga kan du få hos kommunedirektør Lars Inge Kvande, tlf. 951 98 822 og på e-post lars.inge.kvande@surnadal.kommune.no eller kommunalsjef Gunhild Eidsli, tlf. 971 74 856 og på e-post gunhild.eidsli@surnadal.kommune.no.

Du kan også kontakte vår rådgivar Torstein Sneisen i Headvisor på tlf. 918 88 186 for ein uforpliktande samtale.

 

Vi ser fram til å få søknad frå deg!