Gol kommune søkjer ein engasjert og handlekraftig arbeidsleiar til prosjektet "Flyktningar i arbeid" i ei 100 % fast stilling. Stillinga er praktisk retta og vil i stor grad føregå ute i felt, der du får jobbe tett med både menneske og varierte oppgåver. Har du praktisk erfaring, trivst med folk og ønskjer å gjere ein forskjell? Då kan dette vere jobben for deg!

"Flyktningar i arbeid" er et viktig kommunalt prosjekt der 42 komunar deltek i arbeidet. Prosjektet har som mål å styrkje integreringa gjennom målretta arbeidspraksis, språkopplæring og tett oppfølging – slik at fleire flyktningar får moglegheit til å bidra i arbeidslivet og kjenne tilhøyrsle i lokalsamfunnet. 

I denne rolla får du vere ein nøkkelperson i det daglege arbeidet med å følgje opp og motivere teamet ditt. Saman skal de utføre meiningsfulle og varierte oppgåver ute i praksis.

Som arbeidsleiar vil du:

• Koordinere teamet ditt
• Organisere og leie arbeidet
• Bistå med arbeid og rettleiing
• Vere ein føregangsfigur for teamet ditt
• Følgje med i FDV-systemet og utføre oppgåver etter kvart som dei vert rapporterte inn
• Rettleie teamet ditt gjennom arbeidsveka
• Rapportere til avdelingsleiar drift og vedlikehald

Vi ser etter deg som:

• Har gode relasjonskunnskapar og trivst med å motivere andre
• Er strukturert, løysingsorientert og tek ansvar
• Er praktisk anlagt og har «stå på»-vilje
• Har gode samarbeidsevner og ei medmenneskeleg framferd
• Har god evne til å kommunisere og samhandle med ulike menneske
• Kan kommunisere godt på norsk og engelsk
• Har førarkort klasse B (ønskeleg med BE)

Relevant fagbrev, teknisk bakgrunn eller erfaring frå liknande arbeid er ønskjeleg, men personlege eigenskapar vil bli vektlagde.

Vi tilbyr:

• Variert og meiningsfull arbeidshverdag i eit godt arbeidsmiljø
• Høve til fagleg utvikling og kompetansebygging
• Gode pensjons- og forsikringsordningar gjennom KLP
• Løn og arbeidsvilkår i samsvar med gjeldande tariffavtalar og lovverk

Om verksemda:
Verksemd eigedom i Gol kommune har ansvar for planlegging, forvaltning, drift og vedlikehald av kommunale bygg og anlegg. Verksemda omfattar:

• Avdeling for drift og vedlikehald
• Avdeling for reinhald
• Prosjekt

Totalt har verksemda 35 tilsette. Du vil bli ein del av eit triveleg fagmiljø med høg kompetanse og eit sterkt engasjement for kvalitet og samfunnsansvar.

Søknad og politiattest:

• Vitnemål og attestar legg du ved saman med søknaden.
• Den som vert tilsett må leggje fram politiattest som ikkje er eldre enn tre månader.
• Kommunen følgjer offentleglova § 25 ved eventuell offentleggjering av søkjarlista.

Ta gjerne kontakt med oss om du har spørsmål til stillinga.
Velkomen som søkjar!