Er du ein av dei vi ser etter?

Yksnebjør barnehage har ledig ei fast 100% stilling som pedagogisk leiar frå januar 2020 då ein av våre tilsette skal pensjonerast. I tillegg har vi ledig ei mellombels 100% stilling frå 1. januar til 12. august 2020 i samband med foreldrepermisjon. 

Vi ønskjer oss søkjarar som er gode på å bygge relasjonar til barn og deira føresette, har engasjement og initiativ, og som kan syne empati og gje god omsorg for barna.

Kan dette vere noko som passar for deg? I så fall håper vi at du tek kontakt med oss eller sender ein søknad innan 3. november. 

Kvalifikasjonar

• Pedagogisk utdanning som barnehagelærar eller annan treårig pedagogisk utdanning på høgskulenivå. Andre med relevant utdanning og erfaring kan og søkje
• Gode norskkunnskapar
• Den som vert tilsett må legge fram godkjend politi- og tuberkulinattest før tiltreding

Personlege eigenskapar

• Har godt samspel med barn og vaksne
• Kan arbeide sjølvstendig og har gode samarbeidsevner
• Evner å arbeide løysingsorientert i eit travelt miljø og samtidig ha eit godt humør

Vi tilbyr

• Givande leik med flotte barn kvar dag
• Ein variert og kjekk kvardag
• Godt arbeidsmiljø med trivelege kollegaer
• Løn etter sentralt løns- og stillingsregulativ
• Lokalt lønstillegg for pedagogiske leiarar på kroner 26 000 per år
• Gode pensjons- og forsikringsordningar

Kommunen er oppteken av at ein skal ha balanse mellom kjønna i eit kollegium, og menn vert føretrekt under elles like føresetnader.

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.