Seksjon for næringslivsundersøkingar har ansvar for å gjennomføre datainnsamling frå næringslivet. Innsamling skjer hovudsakleg via eigenutvikla skjematenester på Altinn-plattforma, men seksjonen har også eit auka fokus på innsamling frå nye datakjelder. Vi søkjer ein ny medarbeidar som med kompetansen sin kan utføre drifts- og forvaltningsoppgåver knytt til SSB sine datainnsamlingar på Altinn-plattforma. 

Kvalifikasjoner:

• Bachelor eller tilsvarande innan informatikk/informasjonsteknologi/programmering eller anna relevant utdanning med innslag av IT og programmering i fagkrinsen
• Arbeidserfaring med koding i Python eller tilsvarande er ønskjeleg
• Erfaring med bruk av skytenester og API-grensesnitt blir tillagt vekt
• God munnleg og skriftleg framstillingsevne på norsk
• Relevant erfaring kan kompensere for utdanningskravet
  

Personlige egenskaper:

• Har gode samarbeidsevner
• Har evne til sjølvstendig tilnærming til arbeidet
• Er løysingsorientert og målretta
• Er systematisk og leveringsdyktig
• Er omgjengelig og motiverande for eit godt arbeidsmiljø
  

Vi tilbyr:

• Jobb i ei verksemd med eit viktig samfunnsoppdrag. Vi har stor tillit hos befolkninga og blant avgjerdstakarar, og som medarbeidar i SSB blir du del av eit stort fagmiljø
• Gode moglegheiter for utvikling, samarbeid og nettverksbygging. Vi har nytilsettprogram, årleg hackathon og arenaer for fagleg deling på tvers
• Stilling som førstekonsulent/rådgivar/seniorrådgivar i lønnsspenn p.t. kr 524 000 - 785 000. Stillingskode og lønn blir fastsett ut frå kvalifikasjonane dine. Høgare lønn kan vurderast for søkjarar som er særleg godt kvalifiserte
• Fleksitid, betalt overtid og sommartid i perioden 15. mai til og med 14. september
• Godt miljø også utanom arbeidstid, med idrettstilbod og ulike sosiale aktivitetar. Du kan trene éin time i veka i arbeidstid, med treningsrom i kontorlokala
• Medlemskap i Statens pensjonskasse, som betyr at du får ein av Noregs beste pensjonsordningar og høve til å søkje om bustadlån med gunstige vilkår
• Arbeidsplass i SSB sine lokale i nytt bygg ved Kongsvinger stasjon

Verd å merke seg:

• For at vi best mogleg skal kunne vurdere søknaden din treng vi at du innan søknadsfristen registrerer relevant dokumentasjon i den elektroniske søkjeportalen (attestar, vitnemål osb.). For kandidatar som vi vurderer å tilsetje kan vi utføre bakgrunnssjekk og kontroll av dokumentasjon.
• Når du søkjer jobb hos oss, vil namnet ditt stå på ei offentleg søkjarliste, som kan bli gjort tilgjengeleg for dei som ber om innsyn i lista. Det er mogleg å få unntak frå denne søkjarlista. Då må du i så fall grunngi kvifor du ønskjer unntak. Vi tek deretter stilling til om vi kan innvilge ønsket ditt. Kan vi ikkje det, høyrer du sjølvsagt frå oss.
• SSB skal vere ein god stad å jobbe for alle, og vi ønskjer medarbeidarar med ulike kompetansar, fagkombinasjonar, livserfaring og perspektiv for å løyse framtidsoppgåvene. SSB jobbar for ei positiv utvikling i talet på tilsetjingar av personar med innvandrarbakgrunn, funksjonsnedsetjing og/eller mellombels fråvær frå arbeid, utdanning eller opplæring. Viss dette gjeld deg, vil vi oppmode deg til å krysse av for dette når du søkjer på stillinga. Det gir deg moglegheit for å få positiv særbehandling. Vi inviterer minst éin kvalifisert søkjar frå kvar av desse gruppene til intervju. Dersom du har behov for særskild tilrettelegging vil vi strekkje oss langt for å komme behovet ditt i møte.