Ledig 100% fast stilling som fagarbeidar bygg i uteavdelinga ved PNK avd. ID 641

Søknadsfrist: 14.desember 2019

Me har ledig ei fast 100% stilling som fagarbeidar bygg ved uteavdelinga, med tilsetjing snarast råd. Stillinga ligg til uteavdelinga som er ein del av Plan, næring og teknisk etat. Avdelinga har i dag 11 tilsette fordela på 10,17 årsverk. Stillinga vil i hovudsak vere knytt til arbeid med drift og investeringsprosjekt på kommunale bygg og anlegg.

Me søkjer primært etter ein person med relevant fagbrev innan fagområdet. Erfaring frå yrket og rette personlege eigenskapar, kan kompensere for kompetansekravet. Me søkjer etter ein løysingsorientert og fleksibel person som passar inn på laget vårt, og har god gjennomføringskraft, stor arbeidskapasitet og positivitet. Du må ha evne og vilje til samarbeid på tvers av fagområdet.

Opplæring vil bli gjeven. Du må beherske norsk munnleg og skriftleg, og disponere eigen bil. Det er ynskjeleg med førarkort klasse BE.

Nærare opplysningar om stillinga kan de få ved å vende dykk til arbeidsformann Torgeir Midjås 350 75200.

For stillinga gjeld:

• Tilsetjing gjeld på vanlege kommunale vilkår.

• Det elektroniske søknadsskjemaet MÅ fyllast ut så fullstendig som mogleg

• Kopi av rettkjende attestar og vitnemål sendast på oppfordring eller ved frammøte til intervju.

• Politiattest må leggjast fram. Denne må ikkje vere enn 3 månadar.

• I samsvar med Offentleglova § 25 kan namn på søkjarane offentleggjerast.

Søknadsskjema