Om Førde kulturskule

Førde kulturskule er ein veldriven kulturskule med 500 elevar. Frå 2020 er fire kommunar slått saman til Sunnfjord kommune med ca. 23 000 innbyggarar. Skulen driv desentralisert undervisning, og har fleire undervisningsstader. Vi er i haust flytta inn i nytt, flott kulturskulebygg i tilknyting til kulturhuset Førdehuset. Vi har elevar i fagområda musikk, skapande skriving, dans og visuelle kunstfag. Distriktsmusikargruppa består av 8 musikarar og har hovudbase i Førde.

Frå 1.1.2020 søker vi etter:

• distriktsmusikar trompet i 100 % stilling (50 % utøving og 50 % undervisning)

Om stillinga

Undervisningsdelen består av instrumentalopplæring i kulturskulen. Trompetstillinga inneheld også dirigering av korps og undervisning av messingelevar i skuletida. Utøvardelen består av konsertverksemd i samarbeid med det frivillige musikkliv med andre distriktsmusikarar og andre musikarar lokalt og elles i fylket. Skule- og barnehagekonsertar er i samarbeid med fylkeskommunen.

Krav til søkar:

• dyktig musikar med minimum 5 år høgskuleutdanning, med pedagogikk, på hovedinstrument

Du må vere:

• engasjert og initiativrik
• god til å kommunisere med både born og vaksne
• disponere bil (desentralisert undervisning og konsertverksemd i heile fylket)

Aktuelle søkarar vert kalla inn til intervju og prøvespel.

Politiattest vert krevd før start i stilling.

Velkomen som søkar!