Avdeling for regelverk og tilsyn har 42 tilsette fordelt på tre seksjonar: seksjon for institusjonar, seksjon for studieprogram og juridisk seksjon. Avdelinga har ansvar for NOKUT si utøving av myndigheit overfor sektorane høgare utdanning og høgare yrkesfagleg utdanning (fagskoleutdanning). Dette inneber mellom anna akkreditering av og tilsyn med studietilbod og institusjonar og tilsyn med det systematiske kvalitetsarbeidet til institusjonane. Avdelinga har òg ansvaret for forvaltinga av ei rekke forskrifter, og styrker arbeidet med kvalitetsutvikling i sektoren gjennom auka fokus på analyse, erfaringsdeling og rettleiing. Vi ønskjer å kunnskapsbasere alt vårt utviklingsarbeid og alle våre prosessar, og samarbeider difor tett med avdelinga for evaluering og analyse.  
 
Stillinga er i seksjon for studieprogram, og du vil ha ei særskild rolle i arbeidet vårt med å vidareutvikle tilsyns- og akkrediteringsprosessane våre. Forvalting og formidling av regelverket som gjeld for sektoren vil òg inngå i stillinga. 

Kvalifikasjoner:

Til stillinga ønsker vi deg som er engasjert i NOKUT sitt oppdrag og oppgåver, mellom anna forvalting, utgreiingsarbeid, styring og rettleiing.
Du må ha relevant utdanning på masternivå. Våre rådgivare skal ha minst to års erfaring som er relevant for arbeidet. For å bli vurdert som seniorrådgivar må du ha minst 6 års relevant arbeidserfaring.

Du må dessutan:

• Ha svært god kjennskap til forvalting og rammer og føringar for eit forvaltingsorgan
• Ha relevant arbeidserfaring innan utgreiings- og rettleiingsarbeid
• Ha kjennskap til utdanningssektoren høgare utdanning og/eller høgare yrkesfaglig utdanning
• Kunne tenke analytisk og strategisk, men òg kunne handle raskt og målretta 
• Vere god til å formidle både munnleg og skriftleg, gjerne på fleire språk enn norsk og engelsk
• Vere initiativrik, og kunne arbeide godt både sjølvstendig og i gruppe
• Ha relevant sakshandsamarerfaring frå offentleg eller privat verksemd

  Vi legg stor vekt på oppnådde resultat og at du er personleg eigna for dei rollene stillinga skal fylle.

Vi tilbyr:

• Fast heiltidsstilling
• Eit arbeidsmiljø prega av engasjement, fleksibilitet og utvikling
• Medlemskap i Statens pensjonskasse
• Moderne lokale nært knutepunkt for kollektivtrafikk (10 min med tog fra Oslo S) og gode sykkelstiar
• Gode velferdsordningar som fleksibel arbeidstid, telefon, subsidiert kantine og treningstilbod
• Lønn etter kvalifikasjonar som rådgivar/seniorrådgivar i lønnsspenn kroner 500.000 – 700.000. For særlig kvalifiserte søkarar kan vi vurdere endå høgare lønn. 

Andre forhold
Den statlege arbeidsstyrken skal i størst mogeleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetting og å rekruttere personar med innvandrarbakgrunn og redusert funksjonsevne. Dersom søkjar ønskjer å reservere seg frå oppføring på den offentlege søkjarlista må dei grunngje ønsket. NOKUT kan gjere opplysningar om søkjarar offentleg sjølv om dei sjølve har bedt om konfidensiell behandling. Søkjaren blir varsla dersom ønsket om reservasjon ikkje blir tatt til følgje, jfr. offentleglova § 25. Søknaden sender du elektronisk via Webcruiter, og vi ber deg laste opp vitnemål og attestar der.

Vi tar sikte på å gjennomføre følgjande plan: 

• Kandidatar til første runden med intervju vil bli innkalla seinst 4.november
• Desse intervjua vil bli gjennomførte 6. og 7. november
• Eventuelle andregangsintervju vil bli gjennomførte 12. november