Vil du vera med å talfesta korleis det norske skattesystemet verkar? Vil du bidra til å danna grunnlag for samfunnsdebatten og for økonomisk politikk? 

I forskingsavdelinga, gruppe for arbeidsmarknad og skatt, har me ledig ei fast stilling knytt til SSB sin skatteutrekningsmodell LOTTE. Skatteutrekningsmodellen byggjer på persondata av inntekts- og skatteopplysningar og er eit sentralt planleggingsverktøy ved utarbeidinga av skattepolitikken. Både nyutdanna (evt. i ferd med å fullføra) og personar med relevant arbeidserfaring blir oppmoda til å søkja.

Gruppe for arbeidsmarknad og skatt består av rundt 15 medarbeidarar. Me nyttar ulike empiriske metodar, inkludert mikroøkonometriske metodar og simuleringsmodellar. Forskinga vår er viktig for samfunnsdebatten og bidreg til å leggja grunnlag for politikk i departement og sentralforvaltning. Me bidreg òg til det internasjonale forskarsamfunnet gjennom publiseringar i internasjonale tidsskrift. Samla jobbar det knappe 70 personar i forskingsavdelinga.

Kvalifikasjoner:

• Mastergrad i samfunnsøkonomi  eller likeverdige kvalifikasjonar (ev. i ferd med å fullføra).
  
• Erfaring/interesse for forsking og analyse innan tema personskatt.
• Erfaring/interesse for programmering (gjerne i R) og mikrosimulering/mikroøkonometriske metodar.
• Gode karakterar.
• Gode norskkunnskapar og god framstillingsevne på norsk og engelsk.

Personlige egenskaper:

• Du har gode analytiske evne.
  
• Du er målretta, systematisk og nøyaktig.
• Du har god gjennomføringsevne.
• Du samarbeider godt i team.

Vi tilbyr:

Hos oss vil du vere del av eit godt fagleg miljø med gode moglegheiter for eigenutvikling og fagleg fridom. Me er ein kunnskapsrik organisasjon med meiningsfulle og spanande oppgåver i ei verksemd med eit viktig samfunnsoppdrag. Me har eit uformelt og hyggeleg arbeidsmiljø.

Vi tilbyr

• Løn som fyrstekonsulent/rådgjevar/seniorrådgjevar (1408/1434/1364) i lønsspenn frå kr  532 200 til 708 000 etter kvalifikasjonar. Høgare løn kan vurderast for søkjarar som er særleg godt kvalifiserte.
• Gode høve for utvikling, samarbeid og nettverksbygging. Me har nyansattprogram, årlig hackathon og arrangement for fagleg deling på tvers.
• Ein kunnskapsrik organisasjon, utfordrande arbeidsoppgåver og eit hyggeleg og uformelt arbeidsmiljø.
• Fleksibel arbeidstid og god pensjonsordning i Statens pensjonskasse.
• Treningstilbod med moglighet for ein time trening i veka, i arbeidstida, med treningsrom i kontorlokalane.
  
  

Verdt å merke seg før du søker:

• Attestar/vitnemål/karakterutskrift skal registrerast/verte lagde ved i søknadsportalen innan søknadsfristen. Me ber søkjarar som blir kalla inn til intervju om å ta med originalar eller stadfesta kopiar av attestar og vitnemål. Me utfører kontroll av dokument, og me gjennomfører bakgrunnsjekk på kvalifiserte søkjarar før tilsetjing.
• Me gjer merksam på at opplysingar om søkjaren kan bli offentleggjorde sjølv om søkjaren har beda om ikkje å bli ført opp på søkjarlista. Dersom den ønska reservasjonen ikkje vert teken til følgje, vil søkjaren bli varsla om dette før offentleg søkjarliste vert utforma.
• Me meiner at inkludering og mangfald er ein styrke. Me ønskjer difor medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Me vil leggje til rette for medarbeidarar som har behov for det. Døme på det kan vere tekniske hjelpemiddel, fysisk tilrettelegging eller endring av rutinar, arbeidsoppgåver og arbeidstid.
• Me oppmodar søkjarar til å krysse av dersom dei har funksjonsnedsetjing, hol i CV-en eller innvandrarbakgrunn. Avkryssingane i jobbsøkjarportalen dannar grunnlag for anonymisert statistikk som alle statlege verksemder rapporterer i årsrapportane sine.
• Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, vil minst éin søkjar i kvar av desse gruppene bli kalla inn til intervju. For å bli vurdert som søkjar i desse gruppene, det vil seie, bli positivt særbehandla på denne måten, må søkjarane oppfylle visse krav. Les meir om krava på Arbeidsgjevarportalen.