Vi har ledig om lag 45 % fast nattstilling på natt som helsefagarbeidar ved Valderøy omsorgsdistrikt, Giske omsorgssenter frå 01.09.2025. Det kan vere mogeleg å auke opp stillinga med dagvakter eller kveldsvakter. 

Giske omsorgssenter ligg på Valderøya og har to langtidsavdelingar og ei korttidsavdeling, med totalt 30 plassar. I bygget er også dagsenter, heimebasert omsorg, sentralkjøkken, fysio- og ergoterapitenesta og kvardagsrehabilitering lokalisert. Denne nattstillinga ligg under Giske omsorgssenter. 

Stillinga inngår i turnus med tre vakter kvar 3. helg.

Vi søkjer ein engasjert helsefagarbeidar som kan sikre god pasientbehandling og utføre oppgåver etter gjeldande lover og forskrifter, og som ønskjer å bidra aktivt til å oppretthalde eit godt arbeidsmiljø. Ta gjerne kontakt per telefon om du har spørsmål.

I tillegg til formell kompetanse blir personlege eigenskapar og at ein er skikka for stillinga vektlagt ved tilsetjing.
 

Dokumentasjon på utdanning skal sendast som vedlegg til søknaden.

Kvalifikasjoner:

• Autorisasjon som helsefagarbeidar eller anna relevant fagutdanning.
• God digital kompetanse.
• Gode norskkunnskapar både munnleg og skriftleg.
• Sertifikat for bil.

Personlige egenskaper:

• Fleksibel og løysingsorientert.
• Gode samarbeidsevner.
• Fagleg dyktig og kan arbeide sjølvstendig.

Vi tilbyr:

• Tverrfagleg samarbeid med fleire yrkesgrupper.
• Moderne lokaliteter og funksjonelt utstyr med fokus på velferdsteknologi (som kamera, sensorar) og forbetringsteam.
• Løn og tilsetjing på vanlege kommunale vilkår.