Hardangerrådet iks søkjer Dagleg leiar med relevant utdanning og erfaring, som vil sjå Hardangerregionen som sin arena.

Det er ønskjeleg med kompetanse og erfaring i leiing og i prosjektadministrasjon og kunnskap om statlege, fylkeskommunale og kommunale funksjonar og prosessar.

Me søkjer

• ein effektiv og ryddig leiar med evne til å fanga aktuelle saker for regionen og som har god munnleg og skriftleg framstillingsevne. 
• I rolla som dagleg leiar i Hardangerrådet iks er det naudsynt å ha fokus på fellesutfordringar som utvikling, samhandling og vekst.
• Gode kommunikasjonsevner og eit breitt nettverk innan offentleg forvaltning og privat næringsliv er ønskjeleg. Hardangerrådet deltek også i internasjonal aktivitet.

Det vert utarbeidd arbeidsavtale i samsvar med hovudavtalen for offentleg sektor. Løn etter avtale i offentleg regulativ. Pliktig medlemskap i gjeldande pensjonsordning.

Dagleg leiar er ansvarleg for dagleg drift og utviklingsarbeidet i Hardangerrådet iks og rapporterer til styret og til Representantskapet/Regionrådet.
Kontorstad: Kinsarvik /Hardanger.

Om arbeidsgiveren

Hardangerrådet iks er interkommunalt samarbeidsorgan og Regionråd for dei 4 kommunane/herada Eidfjord, Kvam, Ullensvang og Ulvik. Hardangerrådet iks si hovudoppgåve er å styrkja regionen gjennom større grad av forpliktande samarbeid. Om spennande aktivitet og prosjekt og informasjon om Hardangerrådet iks sjå http://www.hardanger.com

Hardangerrådet iks arbeider innafor 3 hovudområde:

1. Politisk samordning og påverknad
2. Kommunalt tenestesamarbeid
3. Næringsutvikling

Spørsmål om stillinga kan rettast til;

• Rådgjevar Per Jorem, Capus mob 400 21 560
• Rådgjevar Åslaug Krogsæter, Capus mob 909 13  333
• Styreleiar Hardangerrådet IKS, Jon Olav Heggseth, mob 909 56 912

Søknadsfrist er mandag 2. september 2024